SALM 99:1-9

A ding i a thiang a siangpahrang, Pathian

99. 1 Bawipa cu siangpahrang a si, mi cu a hmai ah ther in an kun; amah cu thla-ngei saram hna cung ah a bawi, vawlei nih amah cu a `ih i a ther; 2 Bawipa cu Zion ah a lianngan. 3 Amah cu miphun vialte cung i bawi a si; khuaruah har a lianngan mi na min cu thang`hat hna seh, 4 Nang cu dinnak a duh mi siangpahrang na si, lungthin thiannak le dinnak kha na lenter; Jacob cung ah rian a `uan mi cu nangmah na si.

5 Bawipa kan Pathian cu conglawmh tuah u, a kehram ah cun kun u; amah cu a thiang. 6 Moses le Aaron cu a tlangbawi hna lak in an si, cun Samuel zong a um ve i a min kha a au. Bawipa kha an auh i a leh hna.7 Mei tompi chung in a chawnh hna, nawl a pek mi hna, a Phungbia, cu an zulh.8 Bawipa kan Pathian, annih kha na rak leh hna; anmah ca ah nang cu ngaihthiamnakPathian na rak si, sihmanhsehlaw an sualnak caah dan cu na rak tat hna. 9 Bawipa kan Pathian cu conglawmh tuah u, a tlang thiang ahcun kun tuah u; Bawipa kan Pathian cu a thiang.