SALM 86:1-18

Ngaihchiat harnak nganpi ton caan thlacamnak

86. 1 Bawipa, ngai law ka let ko, zeicahtiah kei cu misifak le miharsa ka si. 2 zumtu ka si bang ka veng ko, nangmah an hngatchan mi na sal cu ka khamh ko. Nang cu ka Pathian na si, 3 ka zaangfah hram ko, Bawipa, nangmah sin ah chunnitlak in ka au. 4 Bawipa, na sal i lungthin cu lawmhnak he khahter ko, zeicahtiah ka lungthin cu nangmah ah ka chiah. 5 Bawipa, nang cu nunnem le ngaihthiam hmang na si, na sin a au mi vialte hna ca ah a fek mi na dawtnak cu a rum hrinhran. 6 Bawipa, ka thlacamnak cu thei ko, kan nawlnak aw cu ngai ko. 7 Ka ngaihchiat caan ah kan auh i na rak ka leh; 8 pathian hna lak ah hin nangmah he tahchunh awk aho hmanh an um lo, na tuah mi thil lianngan hna he tahchunh awk zei hmanh a um lo.

9 Bawipa, miphun vialte cu an ra lai i an in biak te lai, na min cu sunparnak an pek te lai. 10 Zeicahtiah nang cu na lianngan i khuaruahhar thil na tuah mi cu nangmah na si, midang an si lo. Maw Pathian. 11 Bawipa, zumhtlak na sinak in ka pial nakhnga lo na lam cu ka cawnpiak tuah; ka duh mi pakhatte cu na min `ih hi si ko seh.12 Bawipa ka Pathian, ka lungthin dihlak in kan lawmh, na min cu zungzal ka conglawmh lai, 13 zeicahtiah ka cung na ngeih mi a fek mi na dawtnak cu a ngan hringhran caah Mithi khua chung hmanh in na rak ka chuah cang. 14 Pathian, mipuarhrang hna cu keimah doh ah an tho, `ihnung misual phu nih ka nunnak an kawl, an khuakhannak ah nangmah naa tel lo. 15 Sihmanhsehlaw Bawipa, nang cu nemnak le zaangfahnak Pathian na si, na thin a fual i a fek mi dawtnak le zumhtlak sinak in na khat, 16 keimah lei ah i mer law ka zaangfah ko. Na sal cu na `hawnnak le na salpa i fapa cu na khamh-bawmhnak cu ka pe ko. 17 na dawtnak i hmelchunhnak cu pakhat tein ka pe ko. 18 Bawipa, nangmah nih na ka bawmh i na ka hnemh ti an hmuh tik ah ka ral cu ningzahnak he an khat te lai.