SALM 124:1-8

Israel Khamhtu

124. 1 Kanmah lei ah Bawipa a rak tan lo a si ahcun, ―Israel nih nolhthan seh ― 2 Kanmah lei ah Bawipa a rak tan lo a si ahcun―mi nih an rak kan tuk ah khan, 3 an thin linh in, kan nun buin an rak kan dolh diam cang lai. 4 Cu tik ah ti nih a rak kan fenh hnga i tilian nih a rak kan khuh diam cang hnga; 

5 tilet a tho mi nih khan a rak kan phum diam cang hnga. 6 Kan ral hna rawl ah a rak kan siter lo caah Bawipa cu thangtthat si ko seh! 7 vate bang rap chiatupa thang in kan luat cang; a thang cu a cat i kan luat; 8 Kan bawmhnak cu Bawipa min ah a um, amah nih van le vawlei kha a ser cang.