SALM 110:1-7

Tlangbawi Messiah

110. 1 Bawipa nih ka Bawipa sin ah, ‘Na ral cu na kechiahnak ah ka ser hna hlan tiang ka orhlei kam ah thu tuah,’ tiah a ti. 2 Bawipa nih na bawi thawnnak cu a samh lai; Zion in na pawngkam na ral vialte cu na uk hna lai. 3 Bawi sinak cu na chuah ni in nangmah ta an si, upatnak sunglawi cu na nupaw chung in, mino na si thawk in, nangmah ta an rak si cang.

 4 Bawipa nih chiatserh in bia aa kam cang i a tlolh lai lo, nang cu Melkhizedek tlangbawi bang zungzal tlangbawi na si lai,’a ti. 5 Na orhlei kam ah Bawipa a um i, a thin a hun tik ah, siangpahrang cu a den dih hna lai. 6 Miphun kip kha bia a ceih hna lai i, hmun kip kha miruak in a khahter lai. Ram kip i siangpahrang hna cu a tei dih hna lai. 7 A chuah tik ah lamkam certi kha a din lai, cucaah a lu a tun lai.