SALM 129:1-8

Zion ral hna ralchanh in

129. 1 Ka no lio tein mi nih voi tampi an rak ka doh cang - Israel nih nolh than seh- 2 ka no lio tein mi nih voi tampi an rak ka doh cang, nain an ka tei bal lo. 3 Ka keng ah cun leithuangtu hna nih riantuan a thawk, leitlang sau pipi an tuah hna, 4 sihmanhsehlaw dingthlu Bawipa nih mithalo hna hngawngkual cu a khiah dih hna. 5 Zion a hua mi vialte cu lung vaivuan in zaam hna seh, 6 an sam hlan a ro mi thlungkhuh cung ram bang si hna seh, 7 zeitik hmanh ah a hleptu kut le a tomtu baan ah phan bal hlah seh. 8 Aa chawk mi aho hmanh nih, ‘Bawipa thluachuah cu na cung ah um ko seh!’ ‘Bawipa min in thluachuah kan in pek,’ ti bal hna hlah seh.