SALM 146:1-10

Bawmh halnak hla.

146. 1 Ka thlarau, Bawipa cu thangthat tuah! 2 Bawipa cu ka nunnak dihlak in ka thangthat lai, ka chan chung vialte ka Pathian sin ah ringawn dawh ka thlah lai. 3 Bawi fapale hna cu i bochan hna hlah u, khamhnak huham zei hmanh a ngei lo mi Adam fale hna aho hmanh i bochanhna hlah u. 4 A thlarau a chuak tik ah vawlei ah a kir than, cu ni hrimhrim ah a khuakhannak vialte cu pakpalawng ah an cang dih. 5 Bawmtu ah Jacob Pathian aa ngeih mi cu zei tluk thluachuah dah a si, aa ruahchannak cu Bawipa a Pathian a si! 

6 Amah nih van le vawlei, rili le a chungum vialte kha a ser hna. 7 A biakam kha zungzal in a zulh, hrem mi hna kha a tanh hna i dinnak a pek hna, rawltam kha rawl a pek; Bawipa nih thongtla cu a chuah hna. 8 Bawipa nih mitcaw cu khua a hmuhter, a lung a dong mi cu thazaang a pek hna. 9 Bawipa nih khual kha a huhphenh hna, ngaktah le nuhmei cu a cawm hna. Bawipa nih miding cu a dawt i mithalo cu a hrawh. 10 Bawipa nih zungzal in a uk lai, Zion na Pathian nih chankhat hnu chankhat in a uk.