144

Ral teinak ca hla

144 1 Bawipa cu thang`hat si ko seh, amah nih ka kut cu raltuk le ka kutdong cu raldoh kha

a cawnpiak hna, 2 amah cu a fek mi ka dawtnak, ralveng innsang, ka ralhruang khuapi, ka

Khamhtu a si. Amah cu ka phaw a si, a hnu in kaa phen, mi cu ka tang ah a chiah hna.

126

3 Bawipa, minung hi na lungkil ah na chiah, Adam fa kong ah na lungre a theih cu minung hi

zei dah a si? 4 Minung nunnak tham cu thaw voikhat chem tluk men, a nikhua cu thladem

bang a ziam men mi a si.

5 Bawipa, van cu cheu hna law rung `um tuah, tlang cu tawng hna law meikhu in khahter

hna. 6 Na nimtlau in cat lo deng hna law khuai dih hna, na fei voikhatnak khawt in `hio dih

hna.

7 Na kut kha cunglei in run samh, tithuk hna in ka chanh law ramdang mi hna kut in ka

khamh tuah, 8 an bia cu zeisan hmanh an tlai lo i an orhlei kut cu a hman lo mi tehte

khaannak ca ah an thlir.

9 Pathian, na sin ah hlathar ka sa, hrihra-ngei tingtang tum in kan thang`hat, 10 zeicahtiah

nang nih siangpahrang cu teinak na pek hna i na sal David cu na rak chanh cang.

11 Mi`halo hna vainam in ka khamh tuah, ramdang mi hna kut in ka chanh tuah, an bia cu

zeisan an tlai lo i an orhlei kut nih a hmaan lo mi kha tehte a khaan.

12 Kan fapale hna cu an `han a lawr i sangpi a kai mi thingkung hna bang si hna seh, kan

fanule hna cu bawi-inn ca saih aa tlak mi thingkung hna bang si hna seh,

13 Kan rawlbuk cu thlairawl phuntling he khat hna sehlaw a tlongleng mi kan tuu hna cu a

thong le a sang in karh hna seh,

14 Kan sa`il hna cu khim lialluang hna sehlaw dawi le firnak in luat hna seh, kan zalamtlang

hna cu ngaichiat aukhuannak le `ah-aihramnak in luat hna seh.

15 Hi bantuk thil a umnak miphun cu zei tluk thluachuah an si, Bawipa kha a Pathian a si mi

miphun cu zei tluk thluachuah dah an si!