115

A hmaan mi Pathian

115 1 Bawipa, kanmah cung si hin lo in na min cung tu ah sunparnak um hram ko seh, a

fek mi na dawtnak le zumhtlak na sinak caah a si. 2 Zeiruangah dah miphun dang hna nih

‘Khuazei ah dah nan Pathian cu a um,’ tiah an kan hal.

3 Kan Pathian cu vancung ah a um, a duh mi kha a ser hna. 4 Annih cu minung kut in sermi

ngun le sui milem hna an ngei.

5 Annih cu kaa an ngei nain zei hmanh an chim lo, mit an ngei nain zei hmanh an hmu lo, 6

hna an ngei nain zei hmanh an thei lo, hnar an ngei nain zei rim hmanh an thei lo.

7 Kut an ngei nain an tawng kho lo, ke an ngei nain an vak kho lo, an hrom in zei aw hmanh

a chuak lo. 8 Anmah a ser hna tu cu anmah bantuk in an lo ve te lai, anmah aa bochan mi

poh cu anmah bantuk in an lo ve te lai.

9 Israel Chung, Bawipa cu i bochan tuah; amah cu anmah a bawmtu le phaw a si.

10 Aaron Chung, Bawipa cu i hngatchan tuah; amah cu anmah a bawmtu le phaw a si. 11

Nannih Bawipa a `ih mi hna, Bawipa cu i hngatchan tuah u; amah cu anmah a bawmtu le

phaw a si.

12 Bawipa nih a lungkil ah a kan chiah lai, thluachuah a kan pek lai, Israel Chung cu

thluachuah a pek lai, Aaron Chung cu thluachuah a pek lai, 13 Bawipa a `ih mi cu thluachuah

a pek hna lai, a hme he a ngan he aa khat tein.

14 Bawipa nih nan milu karhter ko seh, nangmah le na fale hna zong. 15 Bawipa nih thlua in

chuah ko hna seh, amah cu van le vawlei sertu a si.

16 Vancung cu Bawipa ta a si, sihmanhsehlaw vawlei cu Adam fale hna kha a rak pek cang

hna.

17 Mithi nih Bawipa an thang`hat kho lo, mithi khua ah a `um mi hna nih an thang`hat kho lo,

18 sihmanhsehlaw kannih, a nung mi hna, nih Bawipa cu kan thang`hat lai, atu in a zungzal

tiang.