SALM 94:1-23

Dinnak Pathian

94 1 Phuhlam Pathian Bawipa, phuhlam Pathian, na ceunak run thlah ko! 2 Vawlei biaceihtu, tho law miporhlaw hna cu an hlawh mi cu pe ko hna! 3 Bawipa, zeitik tiang dah, mi`halo hna cu zeitik tiang dah teinak an hmuh lai? 4 An i porhlaw i an ruam a kai, thatlonak-tuahtu vialte cu an i cawisang.

5 Bawipa, na mi cu an den hna, na roco cu an hrem hna, 6 nuhmei le khual an thah hna, ngaktah cu zohchia in an thah hna. 7 Annih nih, ‘Bawipa nih a zoh lo, Jacob Pathian nih a hngal lo,’ an ti. 8 Nannih milunghak bik hna, nanmah tein hngal tuah u! mihrut hna, zeitik ah dah nan lung a fim lai?

9 Hna a bunhtu nih thei lo in a um hnga maw, mit a sertu nih hmu lo in a um hnga maw? 10 Miphun dang hna a cawnpiaktu nih cun dantat lo in a um hnga maw? Mi vialte saya, Bawipa, nih cun, 11 minung khuakhannak le zei tluk in an hruh ti cu a hngalh dih ko. 12 Bawipa, nang nih nun na chimh mi hna, na phunglam in na cawnpiak mi hna cu zei tluk thluachuak dah an si, 13 mithalo hna ca khor cawh a si tiang, annih kha harnak caan ah, hnangamnak pek awk ah a si.

14 Zeicahtiah Bawipa nih a mi cu a hlaw hna lai lo, a roco cu a kaltak hna lai lo; 15 a biaceihnak cu khamhnak a pe mi dinnak ah a cang than lai i aa thangh tikah milungthiang vialte nih an hnu in an zulh te lai. 16 Mithalo hna ralchanh in aho dah keimah lei a tang? ~hatlonak-tuahtu vialte doh awk ah aho dah keimah he fek tein a dir? 17 Bawipa nih rak ka bawm hlah sehlaw kei cu leidai tang ah ka um diam cang lai.

18 Kei nih cun, Bawipa,‘Ka nal i ka tlu cang lai hih,’ti lawng a herh, zeicahtiah na dawtnak cu keimah domhtlaih awk ah timhcia in a um ko; 19 zei tluk ka lungre a theih zong ah na ka hnemhnak nih ka hna a ka ngamh. 20 Nang cu ningcang lo in biaceihnak a pe mi hrawktu biaceih hawi maw na si? 21 miding cu an doh i zei sual lo kha sual an phawt. A si lo! Bawipa cu keimah ca ah ralhruang a si; ka Pathian cu kaa dornak lungpi a si. 23 An sualthurnak cu an lu cung ah a tlunter, an thatlonak caah annih cu a hloh hna, Bawipa kan Pathian nih a hrawh hna.