Zarhkel Kulriatnak Zarhpi (Year A)

Responsorial Psalm  Psalm 23:1-3a, 3b-4, 5, 6

R. A ra lai mi chan vialte ah Bawipa inn ah ka um zungzal lai.

23. 1 Bawipa cu a ka khaltu a si, herh mi zei hmanh ka ngei lai lo. 2 Ram hringhno lak ah a ka bawhter. Ka tha damter awk ah tidai pawng ah a ka hruai.

3. A min he aa tlak in khamh-dinnak lam ah a ka hruai.4 Thihnak horkuang khuamui chung ka vah hmanh ah ka pawng ah na um caah harnak zeihmanh ka tih lai lo. Hnangamnak pek awk ah na thiangthunh le na tanbo cu khika ah an um ko.

 5. Ka ral hna hmai ah rawl na ka timhpiak; ka lu cu chiti thiang na thuh; ka hrai cu a liam in a liam.

6. Nitin ka nunnak ah thatnak le a fek mi na dawtnak nih an ka zulh. A ra lai mi chan vialte ah Bawipa inn ah ka um zungzal lai.

Alleluia.  Ephesians 1:17-18

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai. 18Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam.