SALM 51:1-19

Sualngaihchih thlacamnak

51 1 Maw Pathian, a fek mi na dawtnak thawng in ka zaangfah hram ko, na zaangfah dawtnak thawng in ka palhnak cu ka hnawhpiak; 2 ka sualthurnak cu thiang hirhiar in `awl hna law ka sualnak in ka thianh ko.

3 Zeicahtiah ka palhnak cu `ha tein ka hngalh ko hna i ka sualnak cu ka lung ah an tang peng ko hna. 4 nangmah cung le nangmah cung lawng ah ka sual cang, a `ha lo tiin na hmuh mi kha ka tuah cang hna, biachahnak na tuah tik ah na khamh-dinnak na langhter nakhnga le biaceihnak na tuah tik ah na teinak a langh nakhnga, 5 sualthur in ka chuak i kaa semka in misual ka rak si cang cu philh hlah. 6 Sihmanhsehlaw milungthiang hna cung ah naa lawm, a thli tein fimnak cu na ka cawnpiak.

7 Ka thian tiang hissop hnah in ka thianh law hawhra nakin ka ran tiang ka `awl tuah. 8 Lawmh le nuamhnak awthawng ka theihter `han law na rak den mi ka ruh cu an laam lai. 9 Ka sualnak cu ka maimilhpiak hna law ka sualthurnak vialte cu hnawt dih hna. 10 Pathian, ka chung ah a thiang mi lungthin ser law lungthin `hawnnak cu ka pe `han ko, 11na hmaika in ka chuah hlah law ka chung i na thlarau thiang cu la hram hlah.12 Na khamh lawmhnak cu ka pe `han ko law ka chung i na dawtnak thlarau cu hmunter hram ko. 13 Mi`halo cu na lam kha ka chimh hna lai i misual cu na sin ah an rak kir`han lai.

14 Pathian, ka khamhnak Pathian, thisen chuahnak in ka khamh ko law ka lei nih na khamh-dinnak cu a thanh lai. 15 Bawipa, ka hmurka cu ka hunpiak law ka lei nih na thang`hatnak cu a phuan lai.16 Raithawinak nih lawmhnak an pe lo, khanghthawinak cu na duh mi a si lo. 17 Sual i ngaihchih hi Pathian kha thawinak pekchanh a si; lungkuai in sual aa ngaihchih mi lungthin cu na hlaw bal lo.18 Na velngeihnak thawng in Zion ca ah `hatnak tuah ko, Jerusalem vanpang cu sa `han ko hna. 19 Cu tik ah dotla mi thawinak ―khanghthawinak le a pum ning thawinak- hna ah naa lawm `han lai, cun cawtum no hna cu na biak`heng ah pekchanh an si `han lai.