SALM 141:1-13

Thatlonak lemsoinak ralchanh in

141. 1 Bawipa, nangmah cu kan auh, i hnawh tuah, kan auh tik ah ka aw cu ngai ko. 2 Ka thlacamnak cu na umnak ah zihmui bang kai seh, ka kut ka thlirnak cu zanlei raithawinak bang si hram seh. 3 Bawipa, ka hmurkaa caah a vengtu chia law ka lei innka ah a vengtu chia ko. 4 Biathalo ka chim i thilthalo-tuahtu hna i hruhthil tuahnak ah kaa hrawm nakhnga lo ka chung i ruahnak thalo vialte cu ngolter hna. 5 An i lawmhnak cu ka cawng lai lo! Miding nih hawikawm hrocernak he nun ka chimh ko hna seh, mithalo nih ka lu cu chiti ka thuh bal hna hlah seh, zeicahtiah cu nih keimah cu an lainawng hawi ah a ka ser sual lai. 

6 Annih cu an biaceihtu, lungpi, kut ah chanh an si cang, 7 ‘A man dih mi sumlung bang kan ruh hna hna cu Mithikhua kutka ah an i thekzamh dih hna, ka rak ti tikah a lung a rak lawm mi hna cu chanh dih ko hna. 8 Bawipa, nangmah lei ah kaa mer, nangmah toi ah kaa dor, dirhkamhtu um lo in ka chia hin hlah. 9 Ka lam ah an chiah mi rap, mithalo hna rap, in ka khamh ko tuah. 10 Kei cu ka lam te ka zulh lio ah mi`halo hna cu anmah rap cio ah i awh cio ko hna seh.