SALM 140:1-13

Mi`halo hna ralchanh in

140. 1 Bawipa, mithalo hna kut in ka chanh law misual hna sin in ka huppheng tuah, 2 an lungthin cu chiatnak in a khat, nikhat hnu nikhat buaibainak lawng an ruat, 3 an lei cu rul lei bang a zum, an hrom ah rul sivai a um. 4 Bawipa, mi`halo hna kut in ka chanh law mipuarhrang hna sin in ka huppheng ko sawh, annih cu ka tluknak ding lawng an kawl, 5 ka kalnak lam ah rap an chiah, an ruamkai in keimah foih awk ah ka lam ah khorthukpi an cawh i rap an chiah hna.

6 Bawipa sin ah, ‘Nang cu ka Pathian na si,’ ka ti. Bawipa, ka thlacamnak aw cu ngai ko. 7 Bawipa ka Pathian, ka thawnnak, ral an rat tik ah ka lu cu na huh. 8 Bawipa, mithalo hna cu an duh mi kha pe hna hlah, an khuakhannak chia cu tlinter hlah. 9 A ka dohtu hna nih ka tei hna hlah seh, an thatlonak lila nih tei hna seh, 10 Meitil-lin cu an cung ah ruah bang sur ko seh, zungzal ca nawncek lak ah hlonh si hna seh. 

11 Mithangchiat hmang cu khuazei hmanh ah dinhnak hmu hlah seh, mipuarhrang cu thatlonak nih zaangfahnak ngei lo in cawi seh. 12 Bawipa nih zaangfahawk misifak tanh in bia a ceih lai i miharsa kha dinnak a tuahpiak te lai ti cu ka hngalh. 13 Miding nih na min cu an in thangthat lai i milungthiang cu na hmaika ah khua an sa lai.