SALM 126:1-6

Saltaang hna kirnak hla

126. 1 Bawipa nih Zion saltang hna a rak kirpi hna ah khan mang ko a rak lo, 2 kan kaa cu nihnak le kan lei cu hla in a rak khat. Cu tik ah miphun dang hna nih, ‘Bawipa nih zei tluk thil lianngan dah a tuahpiak hna!’ an rak ti. 3 A si, Bawipa nih kan ca ah thil lianngan a tuah, lawmhnak in kan rak khat. 4 Bawipa, kan saltang hna cu, Negeb i tilian bang, kirpi than ko hna! 5 Mitthli he thlai a thlak mi hna cu hlasak pah in a zun. 6 Mithli he a chuak, thlaici i phorh in mitthli he a chuak. A rak kir than, facang phal i put in hlasak pah in a rak kir.