SALM 120:1-7

Daihnak ral hna

120. 1 Ka lungre a theih caan ah Bawipa sin ah kaa mer, ka au i a ka leh. 2 Bawipa, lihchim hmurka in le rawiphiar hmang lei in ka khamh tuah. 3 Hlenhmang lei hna, zei dah an cham hna lai, zei dah an cham rih hna lai? 4 Raltuknak- cantiang le meiphu lin in dan an tat hna lai.

5 Meshek le Kedarmi hna thlam ah khua sak cu zei tluk zaangfah awk ka si! 6 Daihnak a hua mi hna lak ah sau tuk ka um cang. 7 Daihnak kong ka chim tik ah ral an tho.