SALM 135:1-21

Thangthatnak hla thiang

Alleluia!

135. 1 Nannih Bawipa a rianh mi hna, Bawipa min cu thangthat u. Bawipa inn i a riantuan hna, 2 kan Pathian inn tual i a riantuan vialte hna, amah cu thangthat u. 3 Bawipa cu thangthat u, zeicahtiah Bawipa cu a tha, a min ca ah ringawn dawh kha thlah tuah u – lung kha a lawmter - 4 zeicahtiah Bawipa nih Jacob cu amah ca ah, Israel cu a roco ca ah a thim cang. 5 Zeicahtiah Bawipa cu a lianngan, kan Bawipa cu cungnung Bik a si ti kha ka hngalh. 

6 Bawipa nih cun van le vawlei, ti chung le a thuhnak vialte chung ah khan a duh mi poh cu a tuah. 7 Khuadawm cu vawlei deng in a auh hna, nimtlau he ruahpi cu a run thlah, cun thli cu a khonnak inn khan a thlah. 8 Izipt ah khan minung he saram he an fater cu a thah hna, 9 Faro le a zungbawi hna ralchanh in Izipt khua laifang ah cun khuaruahharnak le hmelchunhnak cu a tuah hna. 

10 Miphun tampi cu a thluk hna, siangpahrang thawngthawng kha a thah hna, 11 Amormi hna siangpahrang Sihon le Bashanmi hna siangpahrang Og, cun Kanaan pennak vialte hna cu a hrawh dih hna. 12 An ram cu an ro ca ah, a mi Israel kha a ro ca ah a pek. 13 Bawipa, na min cu zungzal in a hmun, Bawipa, na kong cu chankhat hnu chankhat a thar than. 14 Zeicahtiah Bawipa nih a mi cu a tanh hna, a salle hna cung ah zawnruahnak a ngei. 15 Miphun dang hna siasal cu minung kut in ser mi, sui le ngun, an si. 

16 Kaa an ngei nain zei hmanh an chim kho lo, mit an ngei nain zei hmanh an hmu lo, 17 hna an ngei nain zei hmanh an thei lo, cun an kaa ah thaw a um lo. 18 A tuahtu, anmah aa bochan mi poh, cu anmah bang an dih dong ve te lai. 19 Israel Chung, Bawipa cu conglawmh u, Aaron Chung, Bawipa cu conglawmh tuah u, 20 Levi Chung, Bawipa cu conglawm tuah, nannih Bawipa a tih mi hna, Bawipa cu conglawh tuah u. 21 Nannih Jerusalem i a um mi hna, Bawipa cu Zion in thluachuah vanluhnak pe tuah u.