SALM 92:1-15

Midingfel hla

92 1 Bawipa cu lawmh, cun Cungnungbik Bawipa, na min cu hla in thang`hat, 2 khua a dei tikah a fek mi a dawtnak le zumhtlak na sinak cu zan khuadei, 3 hri-hra ngei tingtang le thanglawi aw dawh in thang`hat cu a `ha ngai mi a si. 4 Bawipa, na tuah mi in lawmhnak na ka pek, na kutzung hna zoh in, 5 ‘Bawipa, na tuah mi hna cu zei tluk in an lianngan, na ruahnak hna cu an thuk tuk hringhran!’ tiin ka au. 6 Hihi mihrut hna nih an hngal kho lo, mi-aa hna nih an thei kho lo.

7 Mithalo hna cu ram bantuk in an tho ko lai, `hatlonak-tuahtu kip cu an thangcho ko lai, sihmanhsehlaw annih cu zungzal hrawh ding ca men an si, 8 Bawipa, cu lio ah, nang cu zungzal in na bawi. 9 Na ral hna cu zeitin an rawh, `hatlonak-tuahtu vialte cu zeitin an i `hen`hek dih ti cu zoh hmanh! 10 Kei cu fungtum thazaang na ka pek, chiti thar na ka thuh; 11 Burbuk lak ah a ka bawh mi hna cu ka hmuh hna, mi`halo hna khuakhannak cu a lang in ka theih dih hna. 12 Miding mi cu tumkung bantuk in a hninghno lai, Lebanon sidar kung bantuk in an sang lai. 13 Bawipa inn ah phun mi an si bang in kan Pathian tual ahcun hringdildel in an um lai.14 An kum cang tiang thei an tlai rih lai, Bawipa i nundawh thanh awk ah hring deldulh in an um zungzal lai, 15 ka lungpi, amah chung ah cun palhnak a um kho lo.