SALM 122:1-9

Jerusalem, i lawm tuah

122 1 ‘Bawipa inn ah kal usih’ an ti tik ah khan ka rak i lawm. 2 Atu, maw Jerusalem, kan ke cu na kutka hram ah a phan taktak cang! 3 Jerusalem cu hmunkhat ah fek tein sak mi khualipi a si, 4 Pathian miphun khika ah an kai tawn; cucu lawmhnak pek awk ah, Bawipa min lawmhnak pek awk ah an kai mi a si. 5 Zeicahtiah cuka ah cun biaceihnak thutdan, David Chung bawi thutdan cu a um. 

6 Jerusalem daihnak ca le a inn hna thanchonak ca ah thlacam u. 7 Na haukulh chung ah daihnak um seh law na innpi hna ah sithatnak um seh. 8 Ka unau le ka hawile hna zawnruah in, ‘Na cung ah daihnak um ko seh!’ ka ti lai. 9 Bawipa ka Pathian inn zawnruah in na thanchonak ca ah thla ka cam lai.