SALM 64:1-10

Mithangchiat hmang hna dantatnak

64. 1 Pathian, kan nawlnak aw cu ngai law ka nunnak cu ral `ihnak in huppheng ko; 2 mi`halo hna phu le `hatlonak- tuahtu hna bu in ka thup ko. 3 An lei cu vainam bang an harter, chiatserhnak bia in an lei cu thal bang kah ding in an i zam cia, 4 miding cu a phen in an kah, zei hmanh `ih lo in, ruah lo piin an kah. 5 Khuakhannak `halo ah pakhat le pakhat an i bawm, zei tin rap chiah ding ti cu an ceih. Annih nih,‘Aho nih a kan hmu lai, asilole, 6 aho nih kan biathli a theih khawh lai?’ an ti. Minung ruahnak kha a thuk biknak tiang, mi lungthin kha a tawne tiang, a hlat dih kho mi nih a theih te lai. 7 Pathian nih a fei in a khawh cang hna, ruah lo piin hma an pu cang. 8 An hmurka ruang ah a thlak cang hna, cun a hmu mi hna poh nih an lu an thinhnawh hna. 9 Mikip cu khuaruahharnak in an khat lai, Pathian nih a tuah mi kha an thanh lai i zeiruangah dah hitihin a tuah ti cu an hngalh te lai. 10 Miding cu Bawipa ah an i lawm lai, a tang ah an i dor lai, cun milungthiang vialte nih amah cu an thang`hat lai.