SALM 80:1-19

Israel dirh `hannak ca thlacamnak

80. 1 Israel kha tuu bang a khal mi Bawipa, ngai tuah, Josef kha tuu bang a hruaitu, thla- ngei saram hna cung a bawi mi, Bawipa, 2 Efraim, Benjamin le Manasseh cung ah tlaang tuah, na tha chuah law kanmah bawmh awk ah ra cang tuah. 3 Van ralkap run Bawipa, kan kirpi `han ko, na mithmai `ha cu kan cung ah tlaang sehlaw kannih cu khamh kan si lai. 4 Van ralkap run Bawipa Pathian, na mi hna thlacamnak cu zeican tiang dah a lak in na chiah lai? 5 Mitthli cu an rawl ah le an mitthli a letthum cu an din awk ah na ser cang hna. 6 Kan innpa cu kanmah ral ah na ser hna i kan ral hna nih an kan zomhtaih cang. 

7 Van ralkap run Bawipa, kan kirpi `han, na mithmai`ha cu kan cung ah tlaang sehlaw kannih cu khamh kan si lai. 8 Mitsur ruang pakhat cu Izipt ram in na chuahpi, phun awk ah miphun hna cu na `hawl hna; 9 a ca ah hmun na thianhpiak, a hram a thla i ram vialte an khat. 10 Tlang hna cu a thladem nih a khuh hna, Pathian sidar nih a hnahbor in a khuh, 11 a `ennge cu rilipi tiang le a tuaino cu Tivapi tiang an phan. 12 Zeiruangah dah a hau cu na bauh hna? A palpah mi vialte nih a thei an lawh, 13 tuupi ngal hna nih an thlehbauh, saram hna nih an ei hna. 14 Van ralkap run Bawipa, rak kir hram ko, van in run zoh law hmu tuah, hi mitsur ruang cu run veh ko, tiah thla kan cam; 15 na kut nih a phun mi cu huppheng hram ko sawh. 16 Caw- ek hna bang mei ah an paih hna, na hmaichiatnak nih a hrawh dih cang lai. 17 Na pawng i a um mi hna, nangmah ca ah na `hawnter mi Adam fale hna, cu na kut nih huppheng hram ko hna seh. 18 Zeitik hmanh ah kan in mertak ti bal lai lo, nunnak kan pe law na min cu kan auh lai. 19 Van ralkap run Bawipa, kan kirpi `han ko, na mithmai`ha cu kan cung ah tlaang sehlaw kannih cu khamh kan si lai.