SALM 76:1-12

Khuaruahharnak petu Pathian sin hla thiang

76. 1 Pathian cu Judah ah cohlan a si i a min cu Israel ah a lianngan, 2 a thlam cu Salem ah a dirh, a umnak cu Zion ah a si; 3 cuka ah a tleu in a tleu mi an fei, phaw le vainam cu a khiah hna i ral cu a tei. Nangmah cu na sunglawi i na min cu a thang, 4 cucu anmah hna sin in lak mi tlang bang hranchaw pon hna ruang ah a si. 5 Atu ah an paral`ha hna cu tho ti lo ding in an i hngilh, an raltuk thiam hna ban cu an tlong dih cang; 6 Jacob Pathian, na hrocer hna tik ah rangleng le rang hna cu ar ko in an dir. 7 Nang, nangmah lawng, nih `ihphannak na chuahter! Na thinhunnak nih a den hna tik ah aho dah na hmaika hika hmun ah hin a dir kho lai? 8 Vancung khin na biachahnak cu a run tur, vawlei cu a daidup ko. 9 Cucu Pathian nih vawleicung mitoidor hna khamh awk ah biaceihnak a tuah tik ah a si.

10 Minung thinhunnak cu nangmah thang`hatnak ca lawng a si, na thinhunnak in a luat mi hna cu na pawngkam ah an i pum lulh lai. 11 Bawipa nan Pathian sin ah biakamnak tuah ulaw tlinter u, amah a kulh mi hna nih Khuaruahhar-Bawipa sin ah pekchanhnak tuah hna seh. 12 Bawiphun hna chan cu a tawiter, leicung siangpahrang hna ca ah `ihphannak a tlunter.