SALM 111:1-10

Bawipa a tuahser mi thangthatnak

Alleluia!

111. 1 Bawipa cu ka lungthin dihlak in ka thangh`hat, milungthiang hna tonnak, pumhnak nganpi ah ka lawmh. 2 Bawipa tuah mi hna cu an lianngan, a tuah mi thil ah lawmhnak a hmu mi vialte nih ruat len hna seh.

3 A tuah mi thil cu lianngan sunparnak he a khat, a khamh-dinnak cu zungzal in a hmun. 4 A tuah mi thil lianngan hna philh lonak cu a kan serpiak, Bawipa cu zaangfahnak le zawnruahnak in a khat. 5 Amah a tih mi hna cu rawl a pek hna, a biakamnak kha a philh bal lo. 6 Miphun hna ram kha a mi hna cu an ro caah a pek hna nak thawng in a thawnnak cu a mi hna sin ah a langhter. 

7 A kutzung hna cu zumhtlak sinak le dinnak an si, a phunglam vialte cu zumhtlak an si; 8 zungzal in zungzal tiang an hmun lai, cucu biatak le dinnak in tuah mi a si. 9 A mi hna kha luatnak a pek hna, a biakamnak cu zungzal ca a pek hna; a min cu a thiang i khuaruahhar ngai a si. 10 Fimnak hrampi cu Bawipa tih hi a si; amah a tih mi hna cu an fim, a thangthatnak cu zungzal tiang a hmun lai.