SALM 88:1-17

Ngaihchiatnak nganpi ton caan thlacamnak

88. 1 Bawipa, ka khamhnak Pathian, zan ah na sin ka au tik ah, 2 ka thlacamnak cu na umnak ah phan seh, bawmhnak ca ka `ahnak cu thei hram ko. 3 Zeicahtiah ngaihchiatnak in ka khat, ka nunnak cu Mithi khua kam ah a phan cang. 4 Oblivion chung a pil mi hna lak ah relchih a si cang, a thahri a cat mi bang ka si cang. 5 An thah i thlan chung a ril mi, nang nih na philh mi le na hupphenhnak a hmu ti lo mi bang ka si cang, mithi lak ah keimah lawng an ka kaltak cang. Thlan tawne, mui lak le a thuhnak ah na ka thlak cang; 7 na thinhunnak nih nenh in na tilet nih tangpi ah ka thlak cang. 8 Ka hawile vialte na ka lakpiak dih cang hna, anmah ca ah fihnung ah na ka ser, thong na ka thlak i luatnak ding lam a um ti lo, ka mit cu ka temhinnak ruangah an phing dih cang. 9 Bawipa, nangmah sin ah chun nitlak ka au, na sin ah ka kut ka thlir. 10 Khuaruahharnak cu mithi ca ah maw na tuah, thladem cu tho in an thang`hat kho maw? 11 Thlan ah cun a fek mi na dawtnak le rawhralnak hmun ah cun zumhtlak na sinak kong kha an chim maw? 12 Khuaruahhar na tuah mi hna cu muihnak ah le na khamh-dinnak cu mithi khua hna ah an hngal maw?

13 Sihmanhsehlaw, Bawipa, kei tu cu na sin ah ka rak au, zing fatin ka thlacamnak cu na umnak hmun ah a rak phan; 14 Bawipa, zeiruangah dah na ka hlawt i na ka mertak? 15 Ka ngakchiat lio tein ka sican a rak fak i ka rak thi deng, na tlerhkhonhnak ka rak tuar ―ka dih cang! 16 Na thinhunnak nih a ka thluk, `ih na nungnak nih a ka hloh.17 Chun nitlak an ka buk, hmakhatte ah an ka naih cang. 18 Hawi le kom vialte na ka lakpiak dih cang hna, ka hngalh mi pakhat te cu muihnak lawng a si cang.