SALM 125:1-5

Pathian nih a mi cu a huhphenh.

125. 1 Bawipa aa bochan mi poh cu Zion Tlang bang an si; hninh khawh si lo zungzal in a hmun. 2 Jerusalem cu Tlang hna nih an kulh bantuk in, Bawipa nih a mi cu a kulh hna, atu in a zungzal tiang. 3 Mithalo hna thiangthunh cu miding hna ram ah a rak phan lai lo; cucu miding hna nih thil thalo an tawnghsual nakhnga lo caah a si. 

     4 Bawipa, mitha hna le milungthin thiang hna cung ah thiltha tuah ko. 5 Sihmanhsehlaw Bawipa, mizer le mihrokhrol hna cu, thatlonak-tuahtu hna he khirh ko hna. Israel cung ah daihnak um ko seh!