Embedded Files
Third Sunday of Lent
Third Sunday of Lent
Lectionary: 28 ( March 8 ,2026
Sihmanhsehlaw mi cu an ti a hal tuk i Moses cu an zaihnawh i, "Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?" an ti. 4 Moses nih Bawipa sinah khan thla fakpi in a cam i, "Hi mi hna hi zeitindah ka tuah hna lai? Atu hi lung in a cheh zong an ka cheh sual ko lai," a ti. 5 Bawipa nih Moses cu a thawh i, "Israel mi hruaitu pawl kha tlawmpal in i sawm hna law zapi hmaiah va kal u. Tiva na tuknak na ṭhiangṭhunh kha i lak law va kal. 6 Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai," a ti. Moses nih Israel mi hruaitu pawl hmaiah cun cu bantuk cun a tuah. 7 Cuka hmun cu "Hneksaknak" ti le "Siknak" tiin a min ah kawh a si; zeicahtiah Israel mi cu Bawipa he khan an i si i, "Bawipa hi kanmah leiah a ṭang maw ṭang lo dah?" ti in an hneksak ruangah khan cuticun min an sak cu a si. 8
R. Nihin ni ah a bia nan theih a si ahcun, Meribah leMassah chan lio thetse ram ah bang nan lung hak hlah seh.
1 Ra ulaw Bawipa sin ah lawmhnak he au hna usih, kan khamhnak lungpi cu conglawmh hna usih. 2 Lawmhnak he a hmai ah chuak usih law ringawn dawh he conglawmh usih. R.
6 Ra tuah u, kun usih law amah cu bia usih, a kan sertu Bawipa hmai ah kan khuk bil hna usih! 7 zeicahtiah amah cu kan Pathian, kannih cu a kawm chung i a tuu hna kan si. Nihin ni ah a bia nan theih a si ahcun! R.
8 Meribah ah bang, Massah chan lio thetse ram ah bang, nan lung hak hlah seh, 9 nan pupa hna nih an rak ka zuamcawh, ka tuah mi thil an hmuh ko nain an rak ka hneksak.R.
Reading II
Reading II
Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam,zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.Mi ṭha caah cun thih ngamh zong an um phum hnga nain a dingmi ca i thih cu a harmi thil a si.Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.
Verse Before the Gospel
Verse Before the Gospel
Thawngtha aupinak
Minu nih cun, “Bawipa, ti hal in ka um ti nakhnga lo, cun, hika zong ah hin ti than awk i ka rat ti nakhnga lo cu bantuk ti cu ka pe tuah,” tiah a ti.
Minu nih cun, “Bawipa, ti hal in ka um ti nakhnga lo, cun, hika zong ah hin ti than awk i ka rat ti nakhnga lo cu bantuk ti cu ka pe tuah,” tiah a ti.
5 Lam ah khan Jakob nih a fapa Josef a roh mi lo pawng i Saikhar an ti mi Samariami khua cu a va phan . 6 Cuka ah cun Jakob tikhor a um, Jesuh cu a khualtlawnnak ah a bat caah tikhor pawng ah cun a ṭhu. A caan cu suimilam paruk hrawng a si. 7 Samaria minu pakhat ti than awk ah a rat tikah Jesuh nih, “Din awk ti hraikhat in ka pe tuah,” tiah a ti. 8 A zultu pawl cu rawl cawk awk ah khuapi chung ah an va kal ta. 9 Samaria nu nih amah cu, ‘Nang cu Jewmi na si. Zei tin dah Samaria nu hi din awk ti na ka hal ning?” tiah a ti. Jewmi hna nih Samariami hna kha an kom hna lo. 10 Jesuh nih: “Pathian nih zei dah pek an duh ti mi le ‘Din awk ti hraikhat in ka pe tuah,’ an titu pa hi aho a si ti na hngalh ahcun, nangmah tu nih na hal ko hnga i amah nih nunnak ti a hei in pek ko hnga," ti in a leh.
5 Lam ah khan Jakob nih a fapa Josef a roh mi lo pawng i Saikhar an ti mi Samariami khua cu a va phan . 6 Cuka ah cun Jakob tikhor a um, Jesuh cu a khualtlawnnak ah a bat caah tikhor pawng ah cun a ṭhu. A caan cu suimilam paruk hrawng a si. 7 Samaria minu pakhat ti than awk ah a rat tikah Jesuh nih, “Din awk ti hraikhat in ka pe tuah,” tiah a ti. 8 A zultu pawl cu rawl cawk awk ah khuapi chung ah an va kal ta. 9 Samaria nu nih amah cu, ‘Nang cu Jewmi na si. Zei tin dah Samaria nu hi din awk ti na ka hal ning?” tiah a ti. Jewmi hna nih Samariami hna kha an kom hna lo. 10 Jesuh nih: “Pathian nih zei dah pek an duh ti mi le ‘Din awk ti hraikhat in ka pe tuah,’ an titu pa hi aho a si ti na hngalh ahcun, nangmah tu nih na hal ko hnga i amah nih nunnak ti a hei in pek ko hnga," ti in a leh.
11 Minu nihcun, “Bawipa, ti thannak thawl na ngei lo, cun tikhor le a thuk fawn, zei tin dah nunnak ti cu na than khawh lai?’ 12 Nang cu kan pu Jakob nakin na ngan deuh maw? Amah nih hi tikhor cu a kan pek, cun amah le a fapa hna le a saṭil run hna zong hi tikhor in an rak din,” tiah a leh.13 Jesuh nih, “Hi ti a ding mi poh cu an ti a hal ṭhan lai; 14 sihmanhsehlaw keimah nih ka pek lai mi ti a ding mi poh cu an ti a hal ṭhan bal ti lai lo; zei cah tiah ka pek lai mi ti cu a chung ah cerhtiput ah a cang lai i zungzal nunnak ca ah aa dil lai," tiah a leh.
15 Minu nih cun, “Bawipa, ti hal in ka um ti nakhnga lo, cun, hika zong ah hin ti than awk i ka rat ti nakhnga lo cu bantuk ti cu ka pe tuah,” tiah a ti. 16 Jesuh nih, “Va kal law na va va ko, cun hika ah hin ra ṭhan,” tiah a ti. 17 Cu tikah minu nih, “Va ka ngei lo,” ti in a leh. Jesuh nih, “Va ka ngei lo,’ na ti cu na hmaan, 18 sihmanhsehlaw va panga na rak ngei cang i atu na va hi na va taktak a si lo. Hika ah cun biatak na chim,” tiah a ti. 19 Minu nih “Bawipa, ka theih cang, profet na si cu ka hngalh cang. 20 Nannih nih biaknak ding hmun cu Jerusalem a si nan ti nain kan pupa hna nih cun hi tlang ah hin an rak biak,” tiah a ti.
21 Jesuh nih: “Minu, ka zum tuah; Pa Pathian cu hi tlang le Jerusalem ah si lo in nan biak caan a phan lio. 22 Nannih nih cun nan hngalh lo mi kha nan biak; kannih nih cun kan hngalh mi kha kan biak; zei cah tiah khamhnak cu Jew sin in a ra. 23 Sihmanhsehlaw a caan a phan lio –hika ah a phan taktak cang- cucu biatak in a biatu hna cu Pa kha thlarau le biatak in an biak caan cu a ra lio–cucu Pa nih a duh mi a biatu hna cu an si. 24 Pathian cu Thlarau a si, cun a biatu hna nih thlarau le biatak in an biak awk a si,” tiah a ti.
25 Minu nih aa thawh i, “Messiah- Khrih tinak- timi cu a ra lai ti cu ka hngalh; cun a rat tikah zeizongte cu a kan chimh te lai,” tiah an ti. 26 Jesuh nih, “Cucu nangmah he bia aa ruah mi, keimah hi ka si ko,” tiah a ti.
27 Cu lio ah a zultu hna cu an hung kir i Samaria minu he bia an i ruah kha an hmuh tikah an khuaruah a har, nain ahohmanh nih amah kha, “Amah sin in zei dah na herh?”asilole, “Amah cu zei kong dah na ruah,” ti an hal lo. 28 Minu nih cun a ti-um kha a ṭhumh, khua chung ah a va tli i khuami hna cu, 29 “Ka rak tuah mi vialte a ka chimtu hi ra zoh hmanh u; amah hi Khrih cu a si kho hnga maw?” tiah a ti hna. 30 Hi nih hin mi cu khuapi chung in a chuahter hna i Jesuh cu an rak fuhpanh.
31 Cu lio ah a zultu hna nih khan, “Bawipa, zei tal na ei lo,” ti in an fialchih. 32 sihmanhsehlaw amah nih, “A kong nan hngalh lo mi ei awk rawl ka ngei,” tiah a ti hna. 33 Cu tikah a zultu hna cu pakhat le pakhat kha, “Mizeimaw nih maw rawl an rak chanh cang rua,” tiah an i ti. 34 Sihmanhsehlaw Jesuh nih,“Ka rawl cu a ka thlahtupa duhnak tuah le a rian lim a si. 35 Thlali hnu cun thlairawl ti nan chim ton mi a um ko lo mei? A ṭha tuk, kan chimh hna, i mer ulaw lo cu zoh tuah u; an vaam i ṭuan an cu cang. 36 A zuntu cu a ṭuan man pek a si cang, a vorhtu le a zuntu an i lawmhṭi khawh naklai thlairawl cu zungzal nunnak ca ah a luhpi cang hna,.
37 Zei cah tiah hika ah hin phungthluk bia cu a hmaan ngaingai: cucu Pakhat nih a tuh i pakhat nih a zun. 38 Nan rak thlawhpiak lo mi fang zun awk ah kan thlah hna. Midang nih an rak thlawh i a theipar cu nanmah nih nan hmuh,” tiah a ti hna.
39 Minu nih, “Ka rak tuah mi vialte a ka chimtu,” tiah tehte a khaan mi thawng in cuka khua i Samariami tampi nih amah cu an zumh. 40 Cucaah, Samariami hna cu a sin an rat tikah, anmah he cam awk ah an nawl. Anmah he ni hnih a cam, 41 amah a chim mi bia thawng in mi tampi nih an zumh chinchin; 42 cun annih nih minu kha, “Atu cu nangmah nih na kan chimh mi ruang ah si ti lo in kanmah nih kan theih i amah cu vawlei Khamhtu hrimhrim a si ti kan hngalh caah kan zumh cang,” tiah an ti.
Page updated
Google Sites
Report abuse