SALM 138:1-8

Lunglawmhnak hla thiang

138. 1 Bawipa, ka lungthin dihlak in kan lawmh, zeicahtiah ka `ahnak aw cu na theih cang. Vanmi hna hmaika ah hla in kan thang`hat. 2 Na biakinn thiang hmai ah kun in kan thangthat, A fek mi na dawtnak le zumhtlak na sinak caah na min cu ka thang`hat, zeicahtiah na biakamnak cu na minthannak nakin a sunglawi deuh. 3 Kan auh ni ah na ka leh, ka lungthin cu thazaang thar na pek. 4 Bawipa, na tuah mi biakamnak hna cu an theih tik ah vawlei siangpahrang hna cu an in lawm dih, 5 Bawipa na lam cu hla in an sa, ‘Bawipa sunparnak cu a Lianngan ko,’an ti. 

6 Bawipa cu a bawi tuk nain a kun i minauta cu a run zoh, miporhlaw tu cu lamhlapi hmanh khin a char hna. 7 Harsatnak nih an ka kulh nain - ka ral hna aipuan dingin- nunnak na ka pek! Na orhlei kut cu na samh i na ka khamh, 8 Bawipa nih ka ca ah zeizongte a tuah lai. Bawipa, a fek mi na dawtnak cu zungzal in a hmun, na rak tuah cang mi cu hlaw hna hlah.