SALM 93:1-5

Pathian lianhngannak

93 1 Bawipa cu siangpahrang a si, rumra ngei ngai in aa thuam. Bawipa cu rumra ngei ngai in aa thuam i thawnnak kha aa menh. 2 Vawlei cu fek tein a dirh, hninh khawh a si lo; a bawi thutdan cu hlanpi khan fek tein a rak dirh cang, nang cu zungzal in na rak um cang. 3 Tipi hna cu an tho, Bawipa, tipi hna nih an aw an thlah, tipi hna cu khuari bang an tur.

4 Bawipa aw cu ti tampi hna aw nakin a thang deuh, rili tilet thawng hna nakin tih a nung deuh, Bawipa cu cungsang ah khin a lianngan. 5 Na nawlchuah hna cu an fek, cangh khawh an si lo, thiannak cu na inn aa dawhnak a si, Bawipa, a ra lai mi chan vialte tiang a si.